अमरावती -मेळघाटातील चिखलदऱ्याचे सौंदर्य पाहण्यासाठी राज्याच्या कानाकोपऱ्यातून पर्यटकांची गर्दी होत आहे. मात्र, आज (शनिवार) दुपारी मेळघाटातील सौंदर्य पाहून परत येत असताना तवेरा अमरावती-परतवाडा रोडवर चांदुर बाजाराजवळ झाडावर जाऊन आदळली. यामध्ये एकाचा मृत्यू झाला आहे.
वर्धा जिल्ह्यातील वायगाव निपाणी येथील ८ तरुण चिखलदरा येथे सहलीसाठी गेले होते. सहल संपल्यानंतर सर्वजण तवेरा गाडीने (क्रमांक एम.एच २९ आर ४७८१) माघारी जात होते. परंतु, अचानक संतुलन बिघडल्याने गाडी झाडावर जाऊन जोरात आदळली. या धडकेत एकाचा जागीच मृत्यू झाला. तर, ४ जण गंभीर जखमी झाले आहेत. पोलिसांनी घटनास्थळी धाव घेऊन जखमी तरुणांना अमरावती जिल्हा ग्रामीण रुग्णालयात उपचारासाठी दाखल केले आहे.
