अमरावती- मेळघाटमधील धारणी तालुक्यातील दादरा गावात वाघिणीने शुक्रवारी रात्री केलेल्या हल्ल्यात एका युवकाचा मृत्यु झाला आहे. यात अनेक जण गंभीर जखमी झाले आहेत. घटनेमुळे दादरासह लगतच्या अनेक गावांमध्ये खळबळ उडाली आहे.
मेळघाटात वाघिणीच्या हल्ल्यात युवक ठार तर अनेक जण जखमी
मेळघाटमधील धारणी तालुक्यातील दादरा गावात वाघिणीने शुक्रवारी रात्री केलेल्या हल्ल्यात एका युवकाचा मृत्यु झाला आहे. यात अनेक जण गंभीर जखमी झाले आहेत. घटनेमुळे दादरासह लगतच्या अनेक गावांमध्ये खळबळ उडाली आहे.
मेळघाटात वाघिणीच्या हल्ल्यात युवक ठार तर अनेक जण जखमी
शोभाराम चव्हाण असे वाघिणीच्या हल्ल्यात ठार झालेल्या युवकाचे नाव आहे. तर दिलीप चव्हाण हा युवक गंभीर जखमी झाला आहे. चंद्रपूर जिल्ह्यातील ब्रह्मपुरी परिसरातून एक वाघीण मेळघाटात सोडण्यात आली आहे. या वाघिणीला वनविभागाने चिप बसवली असून ती जेथे कुठे संचार करते त्याची माहिती वनविभागाला कळते. ही वाघीण मेळघाटात आल्यापासून गेल्या काही दिवसात तिने अनेक गावांत दहशत पसरवली आहे. या वाघिणीचा बंदोबस्त करावा, अशी मागणी धारणी तालुक्यातील अनेक गावातील ग्रामस्थांनी वनविभागाकडे केली होती. दरम्यान, शुक्रवारी रात्री साडेदहा वाजेच्या सुमारास वाघीण गावात येताच तिने एका ठिकाणी उभ्या असणाऱ्या पाच ते सहा युवकांवर अचानक हल्ला चढवला.