अमरावतीत अल्पवयीन मुलीवर अत्याचार; बदनामीच्या भीतीने मुलीने घेतले उंदीर मारायचे औषध

तिवसा तालुक्यातील मोझरी या गावात २० वर्षीय तरुणाने एका अल्पवयीन मुलीवर अत्याचार केल्याची घटना २६ डिसेंबरला उघडकीस आली. सध्या आरोपी फरार असून त्याचा तपास सुरू आहे.

अमरावती -दिवसेंदिवस महिलांवरील अत्याचाराच्या घटनांचे प्रमाण वाढतच आहे. यातच तिवसा तालुक्यातील मोझरी या गावात एका अल्पवयीन मुलीवर २० वर्षीय तरुणाने अत्याचार केल्याची घटना २६ डिसेंबरला उघडकीस आली. सध्या आरोपी फरार असून त्याचा तपास सुरू आहे.

पोलीस माहितीनुसार, ऋषिकेश वडस्कर (वय 20) रा. मोझरी या तरुणाने गावातील अल्पवयीन मुलीवर लैंगिक अत्याचार केल्याचे समोर आले आहे. संबंधीत अल्पवयीन मुलगी नियमितपणे शाळेतून घरी परत जात असताना तिचा पाठलाग करत रस्त्यात कोणी नसल्याचे पाहून मुलाने तिला बळजबरीने दुचाकीवर बसून स्वतःच्या घरी नेले व अत्याचार केला. त्यानंतर घाबरलेल्या मुलीने बदनामीच्या भीतीने उंदीर मारायचे औषध घेऊन आत्महत्या करण्याचा प्रयत्न केला.

हेही वाचा - तपोवनात पद्मश्री डॉ. शिवाजीराव पटवर्धन यांचा १२८ वा जयंती उत्सव उत्साहात

तिला अमरावतीच्या जिल्हा रुग्णालयात दाखल करण्यात आले असून तिचा जबाब नोंदवण्यात आला. त्यानुसार आरोपी ऋषिकेश विरोधात गुन्हा दाखल करण्यात आला आहे. सध्या आरोपी फरार असून त्याचा शोध सुरू असल्याची माहिती आहे.

हेही वाचा - बहिरमच्या यात्रेत मातीच्या हंडीत शिजवतात मटण; खवय्यांची गर्दी