अमरावती -शहरातील सातुर्णा परिसरात स्थित दिल्ली पब्लिक स्कूलच्या मुख्याध्यापकाने ( Head Master Cut Hairs Amravati ) चक्क शाळेतील दोन विद्यार्थ्यांचे केस कापून त्यांच्यासोबत विक्षिप्त चाळे केल्याचा प्रकार समोर आला आहे. ( Delhi Public School Amravati ) याप्रकरणात पालकांनी दिलेल्या तक्रारीवरून मुख्याध्यापका विरोधात गुन्हा दाखल झाला असून राजापेठ पोलिसांनी त्याला अटकही केली आहे. ( Rajapeth Police Arrested Head Masters ) सोमवारी सकाळी प्रार्थनेच्या वेळेस शाळेचे मुख्याध्यापक हेमान्द्री देसाई यांनी इयत्ता पहिलीच्या विद्यार्थ्यांचे केसं आणि नख तपासले. यानंतर सहा वर्षाच्या दोन चिमुकल्यांना आपल्या दालनात बोलावून त्यांनी स्वतः कैचीने या दोन्ही विद्यार्थ्यांचे केस कापले तसेच त्यांना बॅड टच केला.
मुख्याध्यापकाला अटक -याबाबत विद्यार्थ्याने संपूर्ण प्रकार घरी आई वडिलांना सांगितल्यावर मंगळवारी पालकाने राजापेठ पोलिस ठाण्यात दिल्ली पब्लिक स्कूलचे मुख्याध्यापक हेमान्द्री देसाई यांच्याविरोधात तक्रार दिली. पोलिसांनी पालकांकडून संपूर्ण माहिती घेतल्यावर मुलाचा बया नही पोलिसांनी नोंदवला. बाल हक्क कृती समिती समोरही या चिमुकल्यांनी संपूर्ण हकीकत सांगितल्यावर पोलिसांनी मुख्याध्यापक हेमान्द्री देसाई यांच्या विरोधात पोस्को सह विविध कलमांतर्गत गुन्हे दाखल करून त्यांना अटक केली.