अमरावती - शहरातील चुनाभट्टी परिसरात आज (मंगळवार) हाणामारीची घटना घडली. या घटनेत नगरसेवक प्रणित सोनी आणि गोपी बुंदेले हे दोघेजण गंभीर जखमी झाले. याबाबत दोन्ही बाजूंकडून पोलिसात तक्रार दिली आहे.
अमरावतीत चुनाभट्टी परिसरात झालेल्या हाणामारीच्या घटनेत नगरसेवकासह दोघेजण गंभीर जखमी
या घटनेनंतर चुनाभट्टी परिसरात खळबळ उडाली. नगरसेवक प्रणित सोनी यांना मारहाण झाल्याची माहिती मिळताच राजापेठ पोलीस ठाण्यासमोर गर्दी जमा झाली. प्रणित सोनी यांना जिल्हा सामान्य रुग्णालयात दाखल केले असता, जिल्हा सामान्य रुग्णालयातही कार्यकर्त्यांनी गर्दी केली. गोपी बुंदेले यांच्या डोक्याला मार लागला असून त्यांच्यावर जिल्हा सामान्य रुग्णालयात उपचार सुरू आहेत.