अमरावती-कोरोनाच्या पार्श्वभूमीवर पुकारण्यात आलेला लॉकडाऊन हा शेतकऱ्यांच्या जणू मुळावरच उठला आहे. अमरावती जिल्ह्यातील चांदूर रेल्वे तालुक्यातील बग्गी येथील एका शेतकऱ्याच्या 2 एकरातील कवळ्याच्या पिकाला ग्राहक नसल्याने फेकुन देण्याची वेळ शेतकऱ्यावर आली आहे. लॉकडाऊनच्या काळात विक्री अभावी सर्व माल जाग्यावरच सडून जात आहे.
कवळ्याच्या पिकाला ग्राहक मिळेना; बग्गी येथील शेतकऱ्याला मोठा आर्थिक फटका
चांदूर रेल्वे तालुक्यातील बग्गी येथील शेतकरी प्रशांत हरिभाऊ मोहोड यांनी त्यांच्या 2 एकरात पेपो कवळ्याचे संकरित वाण 26 जानेवारी रोजी लावले होते. यानंतर त्यांना उत्पादन भरपूर प्रमाणात आले. मात्र,कोरोना संकटात हे पीक सापडल्यामुळे पीकाचे मोठ्या प्रमाणावर नुकसान होत असून ह्या शेतकर्‍यांच्या कोवळ्याला खरेदी करण्यासाठी व्यापारी, ग्राहक मिळत नसल्याने ह्या पिकाचे लावलेले पैसै सुध्दा शेतकर्‍याच्या खिशात पडणार नसल्याचे दिसून येत आहे.