अमरावती - लॉकडाऊनमुळे भटक्या जनावरांची परिस्थिती वाईट झाली आहे. यामुळे या जनावरांना जगता यावे यासाठी मोर्शी येथील सामाजिक कार्यकर्ते जगदीश जयस्वाल हे रोज आपल्या गाडीत गुरांसाठी चारा आणि भटक्या कुत्र्यांसाठी ब्रेड व इतर साहित्य घेऊन जातात.
लॉकडाऊनमध्ये भटक्या जनावरांचेही हाल; अमरावतीत एक व्यक्ती करतोय मदत
गेल्या महिन्याभरापासून ग्रामीण भागातील शेतकरी, शेतमजुरांची अवस्था वाईट झाली आहे. गावात मजुरीचे कामे पूर्ण पणे बंद असल्यामुळे आपलेच पोट भरता येत नाही. तर घरी असलेल्या जनावरांचे पोट कसे भरावे, म्हणून अनेक लोकांनी आपली जनावरे मोकाट सोडून दिली आहे. तालुक्यातील हॉटेलही बंद असल्याने भटक्या श्वानांचेही जगणे कठीण झाले आहे.