अमरावती -मागासवर्गीयांसाठी राखीव असणाऱ्या अमरावती लोकसभा मतदार संघात मोची जातीचे खोटे प्रमाणपत्र सादर करून निवडणूक लढविणाऱ्या नवनीत राणा यांनी भारतीय संविधानाची पायमल्ली केली असून त्यांच्यावर गुन्हे दाखल करून कारवाई करावी, अशी मागणी महाराष्ट्र कास्ट्राईब कर्मचारी कल्याण महासंघाने मागणी केली आहे.
बोलताना अरुण गाडे
आमदार राणांनी केला पदाचा दुरुपयोग
मोची जातीचे बनावट जात प्रमाणपत्र मिळवण्यासाठी खोटे बनावट कागदपत्र सादर करून निवडणूक लढविल्याचे उच्च न्यायालयात सिद्ध झाले आहे. बडनराचे आमदार रवी राणा यांनी त्यांच्या पत्नीला जातीचे खोटे प्रमाणपत्र मिळवून देण्यासाठी पदाचा दुरुपयोग केला. त्यामुळे तेही नवनीत राणा इतकेच दोषी असल्याचे महाराष्ट्र कास्ट्राईब कर्मचारी कल्याण संघाचे अध्यक्ष अरुण गाडे यांचे म्हणणे आहे.