अकोला - अवैध वाळू वाहतूक करणाऱ्या ट्रॅक्टर चालकाकडून लाचेचे उर्वरित १२ हजार रुपये घेत असताना दहीहंडा पोलीस ठाण्याच्या पोलीस नाईकाला अकोला लाचलुचपत प्रतिबंधक विभागाने मंगळवारी (ता. २३) अटक केली आहे. दिनेश जगदेव सोळंके असे आरोपीचे नाव आहे. याप्रकरणी दुसरा आरोपी असलेल्या पोलीस मुख्यालयातील पोलीस शिपाई मंगेश खेडकर यास एसीबीने अद्याप अटक केली नाही.
घटनेविशषयी माहिती सांगताना पोलीस अधिकारी.
आरोपींनी तक्रारदारास अवैध वाळू वाहतूक केली म्हणून गुन्हा दाखल करून ट्रॅक्टर जप्त करण्याची भीती दाखवली. तसेच तक्रारदारास व त्याच्या सहकाऱ्यांना सुमारे चार ते पाच तास थांबवून ३० हजार रुपये लाचेची मागणी केली. त्यातील ११ हजार रुपये तक्रारदाराकडून घेतले. उर्वरीत १२ हजार रुपये रकमेची मागणी करीत असल्याने तक्रारदाराने अकोला लाचलुचपत प्रतिबंधक विभागाकडे २५ मार्च रोजी तक्रार केली.