अमरावती - जिल्ह्याचा आदिवासी भाग असलेल्या धारणी आणि चिखलधरा या तालुक्यातील तब्बल २४ गावे स्वातंत्र्याच्या ७० वर्षानंतर आजही विजेवाचून अंधारातच आहेत. याबाबत खासदार नवनीत राणा यांनी संसदेच्या अर्थसंकल्पीय अधिवेशनात वीज पुरवठा कऱण्याचा मुद्दा उपस्थित केला आहे.
संसदेचे अर्थसंकल्पीय अधिवेशन सुरू आहे. या अधिवेशनामध्ये अमरावती मतदारसंघाच्या खासदार नवनीत राणा यांनी सभागृहात धारणी आणि चिखलधरा तालुक्यातल्या गावात वीज पोहोचली नसल्याचे वास्तव मांडले. राणा म्हणाल्या की, स्वातंत्र्याच्या ७० वर्षानंतर सभागृहात सांगणे हे सांगणे अत्यंत खेदाची बाब आहे, आमच्या मतदारसंघात जो आदिवासी बहुल म्हणून ओळखला जातो, यामध्ये धारणी आणि चिखलधरा या तालुक्यातील तब्बल २४ गावात आजही वीज आली नाही.
स्वातंत्र्याच्या ७० वर्षानंतरही 'त्या' २४ गावांमध्ये पोहोचली नाही वीज - खासदार राणा