अकोला - शिवसेनेने दसरा मेळावा भरवल्यास भारतीय बौद्ध महासभेची मिरवणूक व सभा होईलच, असे वंचित बहुजन आघाडीचे प्रदेश प्रवक्ते राजेंद्र पातोडे यांनी सांगितले आहे. भारतीय बौद्ध महासभेचे दरवर्षी दसऱ्याच्या दिवशी अकोल्यात संमेलन भरते. प्रकाश आंबेडकर यांची सभा देखील आयोजित करण्यात येते. मात्र यंदा कोरोनामुळे सर्व कार्यक्रमांवर मर्यादा आल्या आहेत.
शिवसेनेचा दसरा मेळावा होत असेल तर, बौद्ध महासभेची सभा घेऊच - वंचितचा इशारा
भारतीय बौद्ध महासभेतर्फे दरवर्षी दसऱ्याच्या दिवशी मिरवणूक काढण्यात येते. त्यानंतर मोठी सभा घेण्यात येते. या सभेला वंचित आघाडीचे प्रमुख प्रकाश आंबेडकर मार्गदर्शन करत असतात. हजारो नागरिकांची या सभेला उपस्थिती असते. भारिप बहुजन महासंघ, वंचित बहुजन आघाडी, महिला आघाडी, सम्यक विद्यार्थी आंदोलन संघटना हे देखील हजेरी लावतात.