अकोला- जिल्हा परिषदेचे 53 गट व पंचायत समितीचे 106 गण यासाठी मंगळवार (दि. 7 जाने) निवडणूक घेण्यात आली होती. दिवसभर 63.83 टक्के मतदान झाले असून आज (दि. 8 जाने.) सकाळी 10 वाजल्यापासून मतमोजणीला सुरुवात होणार असल्याची माहिती निवडणूक निर्णय अधिकाऱ्यांनी दिली.
मतदान केंद्रावरील दृश्ये
मतदाना दिवशी कुठेही मतदान प्रक्रियेचा गोंधळ होईल, अशी कुठलीही घटना जिल्ह्यात घडली नाही. जिल्ह्यातील विविध मतदान केंद्रांवर ज्याठिकाणी मशीन खराब झाल्याच्या तक्रारी आल्या त्याठिकाणी तातडीने मशीन बदलण्यात आल्या आहेत. 14 मतदान यंत्र व 12 बॅलेट यंत्र बदलण्यात आल्याची माहिती निवडणूक निर्णय अधिकाऱ्यांकडून देण्यात आली आहे.