अकोला - अमरावती शिक्षक मतदारसंघाची निवडणूक ही आरक्षण समर्थक आणि आरक्षण विरोधी असल्याचे विधान वंचित बहुजन आघाडीचे नेते प्रकाश आंबेडकर यांनी केले आहे. याचवेळी त्यांनी महेश विष्णुपंत डावरे या उमेदवारास वंचित बहुजन आघाडीने पुरस्कृत केल्याचे जाहीर केले.
'अमरावतीतील निवडणूक आरक्षण समर्थक विरुद्ध आरक्षण विरोधक"
येत्या एक डिसेंबर रोजी राज्यभरात पदवीधर मतदारसंघांसाठी निवडणूक पार पडत आहे. त्यामध्ये अमरावती विभागातून जवळपास 22 उमेदवार रिंगणात आहेत. या निवडणुकीचा प्रचार सध्या जोरात सुरू आहे. प्रत्येक उमेदवार हा आपल्यापरीने शिक्षकांना स्वत:कडे वळवण्यासाठी जोर लावत आहे. यामध्ये शिवसेनेचे श्रीकांत देशपांडे, विज्युकटाचे अविनाश बोर्डे, सरनाईक, हिंगे यांच्यासह आदींनी या निवडणुकीत उमेदवारी घेतली आहे.