अकोला -मलकापूर येथील सनसीटी जवळच्या खुल्या मैदानात मांडूळ जातीचा (दोन तोंड्या) साप आज दुपारी वावरत असल्याचे परिसरातील नागरिकांना दिसला. त्यांनी याची माहिती खदान पोलिसांना दिली असता पोलिसांनी हा साप ताब्यात घेऊन तो वनविभागाच्या स्वाधीन केला. या मांडूळ जातीच्या सापाची मोठ्या प्रमाणात तस्करी केली जाते. तसेच हा साप गुप्त धन शोधून देतात, असेही अंधश्रद्धा आहे.
सापाला पकडून केले वनविभागाच्या स्वाधीन -
सनसिटी जवळील खुल्या मैदानात दुपारी मांडूळ जातीचा साप वावरत होता. याठिकाणी क्रिकेट खेळणाऱ्या मुलांना तो दिसला. त्यांनी लगेच याची माहिती खदान पोलिसांना दिली. हा साप पकडण्यासाठी पोलीस कर्मचारी सदाशिव मार्गे, राजेश वानखडे, धीरज वानखडे, कपिल राठोड हे घटनास्थळी आले. त्यांनी हा साप ताब्यात घेतला. त्यानंतर तो साप हा वनविभागातील मानद वन्यजीव रक्षक बाळ काळणे यांच्याकडे सुपूर्द केला.