अकोला -काँग्रेस आणि राष्ट्रवादी काँग्रेस सरकार ही भ्रष्टाचारी सरकार होती. केंद्रात आणि राज्यात भाजप सरकार आल्याने भ्रष्ट सरकारला आपण हद्दपार करण्यात यशस्वी झालो आहोत. आपण महायुतीला आशीर्वाद द्यावा, असे आवाहन पंतप्रधान नरेंद्र मोदी यांनी आज(बुधवारी) आपल्या भाषणातून केले.
डॉ. पंजाबराव देशमुख कृषी विद्यापीठाच्या क्रीडांगनावावर भाजप व शिवसेना युतीच्या उमेदवारांसाठी जाहीर प्रचार सभेच्या आयोजन करण्यात आले होते. यावेळी मोदी बोलत होते. पुढे ते म्हणाले, या जिल्ह्यात राष्ट्रीय महामार्ग लवकर पूर्ण करून येथे फूड प्रोसेसिंग प्लांट आणि विविध उद्योग उभारून येथील युवकांना रोजगार उपलब्ध करुन देण्यासाठी प्रयत्न करणार आहे. फडणवीस यांच्या नेतृत्वाखाली आलेल्या सरकारने राज्यातील नागरिकांचा आणि राज्याचा विकासाचा संकल्प केला आहे.
हेही वाचा - इकडं मान वाकव, तिकडं मान वाकव... स्वाभीमान कसला ही तर लाचारी - उद्धव ठाकरे