अकोला - मूर्तिजापुरातील कंझारा टी पॉईंटजवळील राष्ट्रीय महामार्ग क्रमांक सहाच्या कडेला आज सकाळी एका व्यक्तीचा मृतदेह आढळला. सकाळी दहाच्या सुमारास ही घटना उघडकीस आली असून संबंधित मृत व्यक्ती 55 वर्षांची आहे. त्याच्या मृत्यूचे कारण अद्याप अस्पष्ट आहे.
महामार्गाजवळ ढाब्यावर काम करणाऱ्या कामगाराचा मृतदेह आढळला; घातपाताचा संशय - akola police
मूर्तिजापुरातील कंझारा टी पॉईंटजवळील राष्ट्रीय महामार्ग क्रमांक सहाच्या कडेला आज एका व्यक्तीचा मृतदेह आढळला. सकाळी दहाच्या सुमारास ही घटना उघडकीस आली असून संबंधित मृत व्यक्ती 55 वर्षांची आहे.
महामार्गाजवळ ढाब्यावर काम करणाऱ्या कामगाराचा मृतदेह आढळला; घातपाताचा संशय
मृताचे नाव अशोक मिलके असून तो हेन्डज येथील सतनाम सिंग यांच्या ढाब्यावर काम करत असल्याची माहिती पोलिसांना मिळाली. अशोक मिलके याने 16 नोव्हेंबर रोजी मालकाकडून दीड हजार रुपये घेतले होते. अमरावती येथील बहिणीकडे जात असल्याचे सांगून तो निघून गेला, असे मालकाने सांगितले. मात्र आज ही व्यक्ती मृत अवस्थेत सापडली.
मूर्तिजापूर पोलीस आणि वंदे मातरम आपत्कालीन पथकाने मृतदेह लक्ष्मीबाई देशमुख उपजिल्हा रुग्णालयात शवविच्छेदनासाठी पाठवला आहे. हा घातपात असल्याची शक्यता वर्तवण्यात येत असली, तरीही तपासणी अहवालात संपूर्ण प्रकरण स्पष्ट होईल. सध्या पोलिसांनी याप्रकरणी आकस्मात मृत्यूची नोंद केली आहे.