अकोल्यात चंद्रिका नदीला महापूर, आठ गावाचा संपर्क तुटला

महाराष्ट्रामध्ये गेल्या दोन दिवसांपासून सुरू असलेल्या, जोरदार पावसामुळे आजही अकोल्यातील अकोट, तेल्हारा तालुक्यात जोरदार पाऊस आला आहे. अकोट तालुक्यातील मुंडगाव जवळील चंद्रिका नदीवरील गावचा पूल दळणवळणासाठी महत्त्वाचा पूल आहे. या नदीच्या पाणीपातळीत वाढ होत आहे.

अकोला - अकोट तालुक्यातील मुंडगाव जवळील चंद्रिका नदीला पूर आला आहे. या नदीवरील पुल पाण्याखाली गेल्याने वाहतूक बंद पडली आहे. दरम्यान, या घटनेमुळे आठ गावांचा संपर्क तुटला आहे. दरम्यान, पुराचे पाणी शेतात शिरल्याने पिकांचे मोठ्या प्रमाणात नुकसान झाले आहे.

वाहतूक पूर्णपणे बंद

महाराष्ट्रामध्ये गेल्या दोन दिवसांपासून सुरू असलेल्या, जोरदार पावसामुळे आजही अकोल्यातील अकोट, तेल्हारा तालुक्यात जोरदार पाऊस आला आहे. अकोट तालुक्यातील मुंडगाव जवळील चंद्रिका नदीवरील गावचा पूल दळणवळणासाठी महत्त्वाचा पूल आहे. या नदीच्या पाणीपातळीत वाढ होत आहे. नदीने रौद्ररुप धारण केल आहे. या नदीवरील पूल हा नदीच्या पाण्याखाली आला आहे. परिणामी, या पुलावरील वाहतूक पूर्णपणे बंद झाली आहे. यामुळे मुंडगाव जवळील चंद्रिका नदीला पाणी गेल्यामुळे लोहरी, वणी वारुळा, आळेगाव, बलेगाव, लमाकानी अशा आठ गावांचा संपर्क तुटला आहे.

शेतीचे मोठ्या प्रमाणात नुकसान

नदीचा प्रवाह शेतातून वाहू लागल्यामुळे शेतीचे मोठ्या प्रमाणात नुकसान झाले आहे. संपूर्ण जमीन खरडून गेली आहे. तसेच, पिकेही उध्वस्त झाली आहे आहेत. यामुळे शेतकरी वर्ग चिंतेत आहे. कित्येक ठिकाणी शेतकऱ्यांवर दुबार पेरणीचे संकट उभे राहिले आहे. परिणामी, शेतकऱ्यांना सरकारने मदत करावी, अशी मागणी केली आहे. शासनाने शेतीचे तातडीने पंचनामा करावा, अशी मागणी शेतकऱ्यांनी केली आहे.

आठ गावांचा संपर्क तुटला

जिल्हा प्रशासन याबाबत लक्ष ठेवून आहे. पोलीस विभागाकडून खबरदारी घेण्यात येत आहे. या पुलावर पोलिस बंदोबस्त ठेवण्यात आला आहे. तसेच, वाहतूक बंद असल्याने कुठलीही अनुचित घटना घडू नये, याची ही काळजी घेण्यात येत आहे. या आठ गावांचा संपर्क करण्यासाठी अकोट तहसीलदार व इतर अधिकारी परिस्थितीवर लक्ष ठेवून आहेत.