फुगे फुगवण्याच्या सिलेंडरचा स्फोट; एकाचा जागीच मृत्यू, तर 2 गंभीर

अकोल्यात फुगे फुगवण्याच्या सिलेंडरचा स्फोट होऊन एकाचा जागीच मृत्यू झाला. तर दोन जण गंभीर जखमी झाले आहेत.

अकोला - फुगे फुगवण्याच्या सिलेंडरचा स्फोट होऊन एकाचा जागीच मृत्यू झाला. तर दोन जण गंभीर जखमी झाले आहेत. ही घटना रमेश नगरमधील गौडपुरा चौकात घडली.

शेख हमीद शेख यासिन हे फुगे विकतात. ते फुग्यात हवा भरण्यासाठी घरगुती गॅसचा सिलिंडर वापरत होते. रमेश नगरमध्ये अचानक त्या सिलिंडरचा स्फोट झाला. यात निलेश दाभाडे याचा मृत्यू झाला. तर फुगा विक्रेता शेख हमीद यांच्यासह कुणाल मनोज भोंडे हा बालक गंभीर जखमी झाला आहे. डाबकी रोड पोलिसांनी जखमींना तत्काळ सर्वोपचार रुग्णालयात दाखल केले.