अकोला - एकीकडे कोरोना रुग्णांची संख्या वाढत असताना दुसरीकडे दिलासादायक बाब म्हणजे या रुग्णांमध्ये सुधारणा होण्याचीही संख्या दिवसेंदिवस वाढत आहे. मंगळवारी 23 रुग्णांनी कोरोनावर मात केली आहे. त्यामुळे ही संख्या आता 167 वर पोहोचली आहे. ही संख्या अ‌ॅक्टिव्ह रुग्णांच्या संख्येपेक्षा 55 ने जास्त आहे. त्यामुळे हा सुखद धक्का आहे.
कोरोना रुग्णांची संख्या 299 झाली आहे. तर यामधून आतापर्यंत 167 रुग्णांनी या विषाणूवर विजय मिळवला आहे. त्यामध्ये 23 रुग्ण बरे झाले. तर 18 मे रोजी चार, 17 मे रोजी 17, 15 मे रोजी 28, 14 मे रोजी 12 आणि 13 मे रोजी 41 रुग्णांनी कोरोनावर मात केली आहे. दरम्यान, ही संख्या सर्वांना दिलासा देणारी आहे.