अकोला -येथील ग्राम चोहट्टा बाजार येथे सुरू असलेल्या वरली मटकाच्या जुगारावर छापा टाकण्यात आला आहे. या कारवाईत 25 हजार 230 रूपयांचा मुद्देमाल जप्त करण्यात आला आहे. पोलीस अधिक्षकांच्या विशेष पथकाने ही कारवाई केली. 8 आरोपींविरूद्ध गुन्हा दाखल करण्यात आला आहे.
चोहटा बाजार येथील भंगार गल्लीच्या सार्वजनिक ठिकाणी सुरू असलेल्या वरली मटक्याच्या जुगारावर पोलीस अधिक्षक अमोघ गावकर यांच्या विशेष पथकाने छापा टाकला. या कारवाईत 8 जणांना अटक करण्यात आली आहे. तसेच त्यांच्याजवळून १८ हजार २३० रुपये रोख आणि मोबाईल असा एकूण २५ हजार २३० रूपयांचा माल जप्त करण्यात आला आहे. आरोपींना पोलीस ठाणे दहीहांडा यांच्या ताब्यात देण्यात आले आहे. तर त्यांच्या विरूद्ध गुन्हा दाखल करण्यात आला आहे.