अहमदनगर -पेडगाव-राशीन रस्त्यावरील सरस्वती नदीचा पूल आणि पेडगाव-श्रीगोंदा रस्त्याची तातडीने दुरूस्ती करण्यात यावी यासाठी श्रीगोंदा तालुका युवक काँग्रेसच्यावतीने आंदोलन करण्यात आले. श्रीगोंदा येथील सार्वजनिक बांधकाम विभागाच्या उपविभागीय कार्यालयासमोर हे धरणे आंदोलन झाले.
श्रीगोंद्यात युवक काँग्रेसचे धरणे आंदोलन
उपअभियंता अरविंद अंपळकर हे कार्यालयात न आल्याने त्यांच्या खुर्चीला हार घालून गांधीगिरी करण्यात आली. महाराष्ट्र प्रदेश युवक काँग्रेसचे महासचिव प्रशांत ओगले यांच्या नेतृत्वाखाली आंदोलन करण्यात आले. पेडगाव-श्रीगोंदा रस्त्याची आणि पेडगाव-राशिन रस्त्यावरील सरस्वती नदीच्या पुलांची अवस्था अत्यंत वाईट आहे. या मार्गांवरून ये-जा करताना नागरिकांना कसरत करावी लागते, असा आरोप प्रशांत ओगले यांनी केला.