अहमदनगर - गावात जनावरांसाठी चारा घेत असलेल्या महिलेसमोर अचानकपणे बिबट्या आल्याने घाबरलेल्या महिलेचा हृदयविकाराने मृत्यू झाला होता. शीलाबाई लहानू पानसरे (रा. जाखुरी, ता. संगमनेर) असे मृत महिलेचे नाव आहे. शासनाने आर्थिक मदत द्यावी, अशी मागणी मृत महिलेच्या कुटुंबीयांनी केली आहे.
बिबट्याला पाहून हृदयविकाराचा झटक्याने महिलेचा मृत्यू; कुटुंबीयांची मदतीची मागणी
शीलाबाई पानसरे या शनिवारी सायंकाळी सहा वाजण्याच्या दरम्यान आपल्या शेतामध्ये काम करत होत्या. यावेळी त्यांच्यासमोर अचानक बिबट्या प्रकट झाला. समोर उभा ठाकलेल्या बिबट्याला पाहिल्यानंतर शीलाबाई यांची पाचावर धारण बसली. त्यांनी जवळ असलेल्या इतरांना मोठ्याने आवाज दिला. याचवेळी त्यांना हृद्यविकाराचा झटका आल्याने त्या तिथेच कोसळल्या. मात्र, त्यांच्या आवाजाने आणि आसपासच्या लोकांचा झालेला गोंधळामुळे बिबट्या पळाला.