अहमदनगर - कोपरगावात पिण्याच्या पाण्याचा प्रश्न गंभीर बनला आहे. तरीदेखील नगरपालिका येसगावमधील तलावातील साचलेला गाळ काढण्याकडे दुर्लक्ष करत आहे. त्यामुळे आज सामाजिक कार्यकर्ते संजय काळे यांनी पुढाकार घेत तलावातील साचलेला गाळ काढण्यास सुरुवात केली.
पाणी प्रश्नाबाबत माहिती देताना नागरिक
कोपरगाव शहरात पिण्याच्या पाण्याचा प्रश्न गंभीर आहे. यामुळे येणाऱ्या मे-जून महिन्यात मोठी बिकट परिस्थिती निर्माण होणार आहे. नगरपालिकेच्या साठवण तलावात अनेक वर्षांपासून मोठ्या प्रमाणात गाळ साचल्याने प्रशासनाने हा गाळ काढून घेण्याची मागणी काळे यांनी जिल्हाधिकाऱ्यांकडे केली होती. मात्र, स्थानिक प्रशासनाने तलावाची पाहणी करून देखील याकडे दुर्लक्ष केले. त्यामुळे काळेंसह शहरातील काही नागरिकांनी तलावाची पुजा करून हातात कुदळ-फावडे घेऊन तलावातील गाळ काढण्यास सुरुवात केली.