Viral video : श्वानाच्या पिल्लांची माता बनली डुकरीण; पाहा, अचंबित करणारा व्हिडिओ

कोपरगाव शहरातील ( Kopargaon City ) असाच मानवाला धडा देणारा प्राण्यांचा व्हिडीओ सध्या व्हायरल होत आहे. श्वानाच्या पिलांसाठी डुकरीणीनं आपलं मातृत्व बहाल केलं आहे. शहरातील राजस्थान स्वीट नजीक हा अनोखा प्रकार पाहवयास मिळाला आहे.

शिर्डी - कोपरगाव शहरातील ( Kopargaon City ) असाच मानवाला धडा देणारा प्राण्यांचा व्हिडीओ सध्या व्हायरल ( Viral video ) होत आहे. एकमेकांचे हाडवैरी म्हणून ओळख असलेल्या श्वानाच्या पिलांसाठी ( Dog Puppies ) डुकरीणीनं आपलं मातृत्व बहाल केलं आहे. शहरातील राजस्थान स्वीट नजीक हा अनोखा प्रकार पाहवयास मिळाला आहे. कोपरगाव शहातील टाकळी रोडवरील गोदावरी पेट्रोल पंपालगत काही दिवसांपूर्वी एका श्वानाला चार-पाच पिल्लं झाली. गोंडस पिलांना जन्म दिल्यानंतर श्वान अचानक दगावले. आई गेल्यानं जगात आलेली तान्ही पिल्लं आईची माया, दुधासाठी पोरकी झाली.

डुकरीण आईने घेतली पिल्लांची जबाबदारी - भूकेनं व्याकूळ झालेली पिल्ल पडतझडत आईच्या दुधासाठी तरसू लागली. अशातचं या अनाथ पिल्लासाठी डुकरीण आईचं ( pig mother ) प्रेम तसेच दूध देवू केलं. जणू एका डुकरीणीला देवानेच या पिल्लाच्या संगोपानाची जबाबदारी देत आई बनून पाठवले. डुकरीणीन चक्क त्या पिल्लांना आपले दूध पाजण्यास सुरुवात केली आहे, त्यामुळे भूक लागली की कुत्र्याची पिल्ल लुटूलुटू पळत जावून डुकरीणीला पिऊ लागतात. आईत्व प्राप्त झालेली वराह माता देखिल त्यांना आपल्या पोटच्या पिल्लां प्रमाणे दुध पाजत आहे.

हेही वाचा -Businessman Commits Suicide In Nagpur : नागपूरमध्ये व्यावसायीकाची आत्महत्या, कार पेटवून सहकुटुंब आत्महत्येचा प्रयत्न

दिवसभरातून पाच ते सहा वेळा कुत्र्याची पिल्ल डुकरीणीच्या सडाला जावून बिलगतात. अगदी मनसोक्त स्तनपान करु लागतात. डुकरीण देखिल अगदी शांत पणे पडून कुत्र्यांच्या पिल्ला स्तनपान करवते. भूक शमली की पिल्ल दूर होतात. तेव्हा ती देखिल आपल्या पुढील कार्यसाठी जाते. खास कुत्र्यांच्या पिल्लाला दूध पाजण्यासाठी ही अनोखी माता येथे येते. त्यामुळे या कुत्र्यांच्या पिल्लांनात्या डुकरीणीचा आई प्रमाणे लळाच लागला आहे. एरवी श्वानाचे डुकरीनीचे सहसा सूत्र जमत नाही. डुकरं पकडणारी मंडळी शिकारी म्हणून कुत्र्यांचा वापर करतात. कुत्र्याच्या दहशतीमुळे डुकर अगदी सहज हाती लागतं. त्यामुळे कुत्रे आणि डुकर एकमेकांचे हाडवैरी समजले जातात. कोपरगावमध्ये मात्र, नैसर्गिक नियमांचा फाटा देत दोन धुर्वा मध्ये अपुलकीचे नातं निर्माण झाल्याचं दिसून येत आहे.

हेही वाचा -Hearing on Shiv Sena's petition : शिंदे गट अपात्र आमदार प्रकरण पुढील सुनावणी १ ऑगस्टला!