अहमदनगर - शिर्डी शहरातील नगर मनमाड रोडवर पिंपळवाडी रोड चौक येथे एका मालवाहतूक ट्रकने रस्त्याच्या उलट दिशेने येत अनेक वाहनांना धडक दिली आहे. मंगळवारी रात्री दहा वाजण्याच्या सुमारास हा अपघात घडला. या अपघातात ट्रकची ट्रॅव्हलर बस, बोलेरो, इनोवा कार, रिक्षा आणि तीन ते चार दुचाकींना धडक दिली. यामध्ये रिक्षाचा चुराडा झाला असून रिक्षा चालकाच्या डोक्याला गंभीर दुखापत झाली आहे. याशिवायही अन्य तीन जण जखमी झाले आहेत.
शिर्डीत विरुध्द दिशेने येणाऱ्या भरधाव ट्रकची अनेक वाहनांना धडक; रिक्षा चालकासह दोन भाविक किरकोळ जखमी हेही वाचा -अहमदनगर जिल्ह्यात दुष्काळामध्ये भ्रष्टाचार झाला.. रोहित पवारांची चौकशीची मागणी
मंगळवारी रात्री दहाच्या सुमारास एका भरधाव जाणाऱ्या ट्रकने नगर मनमाड रोडवर पिंपळवाडी रोड चौकात रस्त्याच्या उलट दिशेने येत अनेक वाहनांना धडक दिली. या अपघातात ट्रक चालकाचा गाडीवरील ताबा सुटला की गाडीचे ब्रेक फेल झाले हे अद्याप समजू शकले नाही. एका अज्ञात व्यक्तीने ट्रकवर ताबा मिळवत ट्रक नियंत्रणात आणल्याची माहिती समोर येत आहे. दरम्यान, या घटनेनंतर परिसरातील लोकांनी अपघातस्थळी एकच गर्दी केली. अपघातातील जखमींना तातडीने उपचारासाठी रुग्णालयात नेण्यात आले.
