अहमदनगर- आज प्रजासत्ताकदिनी दिल्लीत शेतकऱ्यांनी ट्रॅक्टर रॅली काढलेली असताना जेष्ठ समाजसेवक अण्णा हजारे यांच्या राळेगणसिद्धीतही ट्रॅक्टर रॅली काढण्यात आली. राळेगणसिद्धी ते पारनेर तहसील कार्यालय ही ट्रॅक्टर रॅली काढण्यात आली होती. अण्णांनी हिरवा झेंडा दाखवत या रॅलीची सुरुवात झाली.
अण्णांची प्रतिक्रिया
तिरंगा झेंडा हातात घेत नागरिकांचा सहभाग -
दिल्लीत शेतकरी आंदोलन करत आहे. या निमित्ताने आज प्रजासत्ताक दिनी ट्रॅक्टर रॅली काढण्यात आली होती. याला समर्थन देण्याकरिता ही रॅली काढण्यात आली असल्याचे अण्णांनी यावेळी सांगितले. यावेळी राळेगणसिद्धी असंख्य शेतकरी या रॅलीत तिरंगा झेंडा हातात घेत मोठ्या उत्साहाने सहभागी झाले होते.