अहमदनगर - कापूस विकू दिला नाही म्हणून जन्मदात्या पित्याचीच हत्या केल्याची धक्कादायक घटना सोमवारी पहाटेच्या सुमारास समोर आली आहे. सोन्याबापू किसन वाकचौरे (वय 70) असे मृत व्यक्तीचे नाव आहे. ही घटना संगमनेर तालुक्यातील आश्वी बुद्रुक येथे घडली. यानंतर आश्वी पोलिसांनी आरोपी मुलाला ताब्यात घेतले आहे.
शिर्डीतील संतापजनक प्रकार मृत सोन्याबापू किसन वाकचौरे यांच्या शेतात 7 ते 8 क्विंटल कापसाचे पीक आले आहे. गुरुवारी संध्याकाळी 8.30 वाजेच्या सुमारास त्यांचा मुलगा आरोपी संतोष सोन्याबापू वाकचौरे हा घरी आला. त्यांने घरच्यांना शिवीगाळ केली. तसेच घरात साठवून ठेवलेला कापूस विकणार असल्याचे म्हणाला. यावेळी त्याचे वडील सोन्याबापू वाकचौरे त्याला दारू पिऊ नको, आपण कापूस विकू असे समजावण्याचा प्रयत्न केला. मात्र, त्याला राग आल्याने कापूस पेटवण्याची धमकी देत त्याने सासर्‍याबरोबर झटापट केली. त्याची पत्नी भांडणात मध्यस्थी करायला गेली तर तिलाही धक्काबुक्की करण्यात आली. यानंतर ते सर्व झोपले.
सोमवारी पहाटे 2.30 वाजेच्या सुमारास बाहेर झोपलेल्या आरोपीने जोरजोरात घराचा दरवाजा वाजवण्यास सुरूवात केली. मी आताच कापूस पेटवून देईन, असे तो बोलू लागला. यावेळी मृत सोन्याबापू तिथे आले. त्यांनी त्याला पुन्हा समजावण्याच प्रयत्न केला. मात्र, त्याने सोन्याबापू वाकचौरे यांचे डोके दगडावर आपटून जिवे मारण्याचा प्रयत्न केला. यात त्याच्या डोके आणि कानातून रक्त येऊ लागले. यावेळी आरोपीच्या पत्नीने आरडाओरड केली. मात्र, शेजारील कोणीही धावून आले नाही. यामुळे तिने नातेवाईंकाना फोन करुन बोलावून घेतले. यानतंर आधी सरकारी आणि नंतर लोणी येथील प्रवरा ग्रामीण रुग्णालयात उपचारासाठी सासर्‍यांना दाखल केले. मात्र, त्यांचा मृत्यू झाला.
हेही वाचा -मुंबईत मॉर्निंग वॉकसाठी गेलेल्या 15 वर्षीय मुलीवर अॅसिड हल्ला
याबाबत आश्वी पोलीस ठाण्यात आरोपी संतोष विरूद्ध गुन्हा दाखल करण्यात आला आहे. सोमवारी सकाळी अप्पर पोलीस अधिक्षक सुनिता काळे, उपविभागीय पोलीस अधिकारी रोशन पंडित, सहायक पोलीस निरीक्षक नितीन पाटील यांनी घटनास्थळी भेट देऊन पाहणी करुन पंचनामा केला केला. सहाय्यक फौजदार तात्याराव वाघमारे, एकनाथ बर्वे, शांताराम झोडंगे, अमर दाडंगे आणि संदीप रोकडे या पोलीस कर्मचार्‍यांनी आरोपी संतोष वाकचौरे याला ताब्यात घेतले. पुढील तपास सहायक पोलीस निरीक्षक नयन पाटील हे करत आहेत.
