अहमदनगर - विधानसभा निवडणुकीच्या प्रचाराच्या निमित्ताने राष्ट्रवादी काँग्रेसचे अध्यक्ष शरद पवार आक्रमकपणे मैदानात उतरले आहेत. आज विजयादशमीच्या मुहूर्तावर जिल्ह्यातील पारनेर येथे पवार यांच्या उपस्थितीत प्रचाराचा नारळ फुटला. यावेळी बोलताना पवार यांनी राज्य आणि केंद्र सरकारला निशाण्यावर घेत हे सरकार सीबीआय, ईडी, पोलीस आदींच्या माध्यमातून सत्तेचा गैर वापर करत असल्याचा आरोप केला.
पारनेर येथील जाहीर सभेत बोलताना राष्ट्रवादी काँग्रेसचे अध्यक्ष शरद पवार
आपण कशाला घाबरत नाही. गुन्हे दाखल करा नाही तर अटक करा पण शेतकरी, कामगार, युवक आदी प्रश्नावर आपण बोलत राहू. निवडणुकीच्या निमित्ताने या सरकारला बाहेरचा रस्ता दाखवण्याचे काम जनतेने करावे, असे आवाहन पवार यांनी यावेळी केले.
हेही वाचा - शेवटी व्हायचं तेच झालं! भाजप-सेना युती तुटली? आता आमने-सामने लढाई