अहमदनगर - भारतीय जनता पक्षाचे प्रवक्ते शाहनवाज हुसेन यांनी शिर्डीमध्ये साईबाबांचे दर्शन घेतले. साईदर्शनानंतर पत्रकारांशी बोलताना हुसेन यांनी पंतप्रधान नरेंद्र मोदी आहेत, तर सर्व काही शक्य आहे, असा विश्वास व्यक्त केला. तसेच ज्याप्रमाणे जम्मू व काश्मीरमध्ये आर्टिकल 370 रद्द केले, त्याचप्रमाणे काही दिवसात पाकिस्तानच्या ताब्यातील काश्मीर पण भारताच्या ताब्यात येईल, असे ते म्हणाले.
शाहनवाज हुसेन
आता पाकिस्तान जास्त दिवस पाकव्याप्त काश्मीर आपल्या ताब्यात ठेवू शकणार नाही. त्याचे कारण म्हणजे इम्रान खान मानसिक तणावात आहेत, असे शाहनवाज हुसेन यांनी पत्रकांना सांगितले.