अहमदनगर - सरपंचाची निवड जनतेतून करण्याऐवजी सदस्यांतून करण्याचा निर्णय महाविकास आघाडीने घेतला. याबाबत अध्यादेश मंजूर करण्यास राज्यपाल भगतसिंग कोश्यारी यांनी नकार दिला आहे. राज्याच्या सरपंच परिषदेच्या वतीने राज्यपालांच्या या भूमिकेचे स्वागत करण्यात आले.
राज्यपालांच्या निर्णयाचे सरपंच परिषदेकडून स्वागत
सरपंच परिषदेच्यावतीने काही दिवसांपूर्वीच राज्यपाल कोश्यारी यांच्या भेटीची वेळ मागितली होती. सरपंचाची निवड थेट जनतेतून व्हावी अशी मागणी या भेटीत राज्यपालांना केली जाणार होती. त्यापूर्वी राज्यपालांनीच सरकारचा अध्यादेश मंजूर करणार नकार दिल्याने परिषदेच्या वतीने समाधान व्यक्त करण्यात आले आहे.