Shirdi Sai Baba : शिर्डीच्या साईबाबांना हिरेजडीत सुवर्ण मुकुट दान, किंमत जाणून तुम्हाला बसेल धक्का

इंग्लंडमधील साईभक्त कनारी सुबारी पटेल यांनी हा हिरेजडीत सुवर्ण मुकूट साईबाबांना दान ( Diamond Crown Donation to Shirdi Sai Baba ) दिला आहे. सोन्याच्या या मुकुटाचे वजन 368 ग्रॅम असून त्याची किंमत 28 लाख रुपये ( Diamond Crown Donation ) सांगितली जात आहे.

अहमदनगर (शिर्डी) : वर्षेअखेरिस शिर्डी साईबाबा ( Shirdi Sai Baba ) मंदिरात भक्तांची गर्दी उसळली आहे. भक्त साईबाबांच्या चरणी लाखो रूपये दान ( Donation to Shirdi Sai Baba ) करत असल्याचे आपण पाहिले आहे. यादरम्यान, नाताळच्या सुट्यांच्या दरम्यान शिर्डीच्या साईबाबांना हिऱ्यांनी जडलेला सोन्याचा मुकुट दान ( Diamond Crown Donation ) आला आहे. युनायटेड किंगडम येथील इंग्लंडमधील साईभक्त कनारी सुबारी पटेल यांनी हा हिरेजडीत सुवर्ण मुकूट साईबाबांना दान दिला आहे. साधारणपणे साईबाबांना सोन्याचे मुकुट नेहमीच येत असतात, पण यावेळी बाबांना पूर्णपणे हिऱ्यांनी जडलेला मुकुट दान आला.

हिरेजडीत सुवर्ण मुकूट

किंमत तब्बल 28 लाख रूपये : सोन्याच्या या मुकुटाचे वजन 368 ग्रॅम असून त्याची किंमत 28 लाख रुपये सांगीतली जात आहे. प्रत्येक आरतीच्या वेळी साईबाबांना मुकूट चढवण्याची प्रथा आहे . सुरुवातीच्या काळात चांदीचे मुकूट बाबांना चढवले जात असे, त्यानंतर सुवर्ण मुकूटांची रीघ साईंच्या दरबारी लागली अन् आता हि-याचे मुकूट बाबांना दान दिला आहे.

मुकूट आकर्षक : उत्कृष्ट नक्षीदार कलाकूसर केलेला हा मुकूट प्रथमदर्शनीच मनला लोभस वाटतो. बारीक नक्षीकाम यावर केलेले असून त्यात हि-याची रास दिसून येते. सध्या भक्ताने हा मुकुट साईबाबा ट्रस्टकडे सुपूर्द केला आहे. ज्याच्या हिऱ्याची चमक मनाला मोहित करते.