रोहित पवार विजयी होणारच! आईसह पत्नीने व्यक्त केला विश्वास

कर्जत-जामखेडमधून रोहित पवार विजयी होणारच असा विश्वास राहीत यांच्या आई सुनंदा पवार यांच्यासह पत्नीने व्यक्त केला.

अहमदनगर - राष्ट्रवादी काँग्रेसचे अध्यक्ष शरद पवार यांचे रोहीत पवार यांनी गुरुवारी कर्जत-जामखेड मतदारसंघातून उमेदवारी अर्ज दाखल केला. यावेळी रोहित पवार यांनी जोरदार शक्तीप्रदर्शन केले. यावेळी रोहित यांचे सर्व कुटुंबीय त्यांच्या पाठीमागे उभे असल्याचे पाहायला मिळाले. कर्जत-जामखेडमधून रोहित पवार विजयी होणारच असा विश्वास रोहित यांच्या आई सुनंदा पवार यांच्यासह पत्नीने व्यक्त केला.

रोहित यांच्या आई सुनंदा पवार यांनी मागील वर्षीपासूनच कर्जत-जामखेड मतदारसंघात विविध सामाजिक कामाच्या निमित्ताने संपर्क वाढवलेला आहे. रोहित यांनी उमेदवारी अर्ज दाखल केल्यानंतर सुनंदा पवार आणि रोहित यांच्या पत्नी कुंती यांनी प्रसारमाध्यमांशी संवाद साधला. गेल्या दीड-दोन वर्षांत दिवस-रात्र काम केल्याने रोहित यांना मोठा प्रतिसाद मिळत आहे. त्यामुळे त्यांचा विजय निश्चित असल्याचा विश्वास यावेळी व्यक्त केला.