अहमदनगर - आंतरराष्ट्रीय महिला दिनानिमित्त अनेक ठिकाणी महिलांच्या सन्मानार्थ अनेक कार्यक्रमांचे आयोजन करण्यात आले होते. तारकेश्वरी दिनेश राठोड या गरोदर महिलेने साहसी क्रीडा प्रकारात सहभागी होऊन आगळ्या-वेगळ्या पद्धतीने महिला दिन साजरा केला.
सहा महिन्याच्या गरोदर महिलेने केले पॅरामोटर उड्डाण
शिर्डी 'नॅशनल अ‌ॅडव्हेंचर फाऊंडेशन चॅप्टर'च्या माध्यमातून आंतरराष्ट्रीय खेळाडू आप्पासाहेब ढूस यांच्यासोबत पॅरामोटरमध्ये बसून दोन हजार पाचशे फूट उंच आणि अकरा किलोमीटर लांब उड्डाण तारकेश्वरी यांनी केले. विशेष म्हणजे सहा महिन्याच्या गरोदर असलेल्या पुण्याच्या तारकेश्वरींनी मऱ्हाटमोळा पोशाख घालत देवळाली प्रवरा शिवारात हे धाडस केले.