अहमदनगर - अकोले तालुक्यातील कळसुबाई शिखराच्या पायथ्याजवळ जहागिरदारवाडी गाव वसलेले आहे. येथील महिला आणि ग्रामस्थांनी कोणत्याही सरकारी मदतीशिवाय गावातील विहिरीतील गाळ उपसा केला आहे. गावकऱ्यांनी विहीर स्वच्छ करून शुध्द पाणी मिळवण्याचा प्रयत्न केला आहे.
जहागिरदारवाडीत गावकऱयांनी स्व-श्रमातून राबविली गाळ-मुक्त मोहीम.
या गावाला कळसूबाई सारख्या उंच शिखराची साथ लाभली आहे. इथे मोठ्या प्रमाणात पर्यटक येतात. मात्र, गावात सोई सुविधा नाहीत. गावातील विहीरीत मोठ्या प्रमाणात गाळ साचल्याने पिण्याच्या पाण्याची मोठी अडचण निर्माण होते. या उन्हाळ्यातही तोच त्रास जाणवला. त्यामुळे पावसाळा सुरु होण्यापूर्वी गावाची विहीर साफ करण्यासाठी गावातील महिलांनी पुढाकार घेतला आहे.