शिर्डी ( अहमदनगर ) - खासदार संजय राऊत ( MP Sanjay Raut ) म्हणतात मी शिवसेना सोडणार नाही. तुम्हाला कोण म्हणतय शिवसेना सोडा. त्यांना माझी विनंती आहे की, आपण जेवढे दिवस शिवसेनेत राहाल तेवढे लवकर शिवसेना ( MP Sanjay Raut ended Shiv Sena ) संपेल. त्याच्यामुळे आपण शिवसेना सोडू नये, तुम्ही शिवसेना ( Shiv Sena ) सोडली तर तुम्हाला भाजपमध्ये घेणार नाही, शिंदे गटात देखील घेणार नसल्याचे भाजपचे ज्येष्ठ नेते प्रविण दरेकर ( BJP leader Pravin Darekar ) यांनी म्हटले आहे. ते शिर्डीत बोलत होते.
राऊंताना भान राहिले नाही -दरेकर यांनी आज शिर्डीत येवुन साईबाबांच्या समाधीचे दर्शन ( Visited Sai Baba Samadhi ) घेतले आहे. साई दर्शनानंतर प्रसारमाध्यमांशी बोलताना म्हणाले की, संजय राऊत यांच्यावर सुरू असलेल्या ईडी ( ED ) चौकशी दरम्यान त्यांनी गँलरीत येऊन वर हात दाखवण्याचा मोह ते थांबवू शकत नाहीत. म्हणजे एवढे प्रसिद्धी लोलू याठिकाणी झालेले आहे. आपण काय करतोय याचे भान देखील राऊंताना राहिले नसल्याचे यावेळी दरेकर म्हणाले आहे. भाजप तर, संस्कारित पक्ष आहे. एका वेगळ्या विचारधारेवर बसलेला पक्ष आहे. त्यामुळे अशाप्रकारच्या गोष्टींना भाजप थारा देत नाही.
राऊतांनी शरद पवारांची शपथ घ्यावी -त्यामुळे मुख्यमंत्री शिंदे ( Chief Minister Shinde ) यांनी अगदी रास्त सांगितले आहे की, अशाप्रकारच्या कोणाला वाटत असेल चौकशा सुरू आहे. तर त्यांनी अजिबात भाजप आणी मुख्यमंत्री शिंदे यांच्या शिवसेनेत येऊ नये. अशाप्रकारच्या गोष्टींना मुठमाती शिंदे यांनी वक्तव्य करुन दिली असल्याचे त्यांनी म्हटले. बाळासाहेब ठाकरे यांची शप्पथ घेण्याचा नैतिक अधिकार संजय राऊतांना उरला आहे की नाही हा खरा प्रश्न आहे. शिवसेनेचे नेते रामदास कदम यांनी सांगितले की, तुम्ही बाळासाहेबांची विचारधारा, तत्व यांना मुठमाती कधीच दिली आहे. आपण शरद पवार यांची विचारधारा स्विकारली असल्याने संजय राऊत यांना शप्पथ घ्यायची असेल तर, शरद पवार यांची घ्या असा, सल्ला शिवसेनेचे जेष्ठ नेते रामदास कदम यांनी सल्ला दिला आहे.