दुधाला 42 रुपये प्रतिलिटर भाव द्या, दूध उत्पादक शेतकरी संघर्ष समितीची मागणी

कोविडच्या पहिल्या लाटेमध्ये आंतरराष्ट्रीय बाजारात दूध पावडरचे दर कोसळून 180 रुपये प्रति किलोपर्यंत खाली गेले. कोविड साथीचा काही प्रमाणात प्रतिबंध झाल्यामुळे व आंतरराष्ट्रीय पातळीवर दुधाचे उत्पादन समिती झाल्यामुळे आंतरराष्ट्रीय पातळीवर दूध पावडरचे दर आता 300 रुपये प्रति किलोपर्यंत वधारले आहेत. देशांतर्गत बाजारातही दूध पावडरला प्रति किलोस 325 रुपये दर मिळत आहे. त्यामुळे दुधाला 42 रुपये प्रतिलिटर भाव द्यावा, अशी मागणी दूध उत्पादक शेतकरी संघर्ष समितीच्या वतीने करण्यात आली आहे

शिर्डी ( अहमदनगर ) - सध्या दूध दरामध्ये काहीशी वाढ झाल्याचे दिसत असले तरी, प्रत्यक्षात उन्हाळ्यामुळे व अर्थव्यवस्थेतील शेतकरी विरोधी धोरणामुळे दुधाचा उत्पादन खर्च मोठ्या प्रमाणात वाढला आहे. ऊन व नैसर्गिक वातावरणाचा परिणाम म्हणून दुधाचे उत्पादनही घटले आहे. अशा पार्श्वभूमीवर गायीच्या दुधाला किमान 42 रुपये दर शेतकर्‍यांना द्यावा, अशी मागणी दूध उत्पादक शेतकरी संघर्ष समितीचे समन्वयक डॉ. अजित नवले यांनी केली आहे. दुग्धविकास मंत्री दूध उत्पादकांच्या मागण्यांकडे सातत्याने दुर्लक्ष करत असल्याचाही आराेपही त्यांनी यावेळी केला.

दूध पावडरची दरवाढ -कोविडच्या पहिल्या लाटेमध्ये आंतरराष्ट्रीय बाजारात दूध पावडरचे दर ( Rates of Milk Powder ) कोसळून 180 रुपये प्रति किलोपर्यंत खाली गेले. कोविड साथीचा काही प्रमाणात प्रतिबंध झाल्यामुळे व आंतरराष्ट्रीय पातळीवर दुधाचे उत्पादन समिती झाल्यामुळे आंतरराष्ट्रीय पातळीवर दूध पावडरचे दर आता 300 रुपये प्रति किलोपर्यंत वधारले आहेत. देशांतर्गत बाजारातही दूध पावडरला प्रति किलोस 325 रुपये दर मिळत आहे.

दूध उत्पादनात घट -उन्हाळ्यामुळे देशांतर्गत दुधाचे प्रमाण घटल्यामुळे दूध पावडर बनवण्यासाठी पुरेसे दूध उपलब्ध होत नसल्याने देशांतर्गत दूध पावडरचा साठा झपाट्याने संपत चालला आहे. परिणामी येत्या काळात दूध पावडरचे दर आणखी वाढण्याच्या शक्यता आहेत. जून अखेरपर्यंत दूध पावडरच्या दरामध्ये तेजी कायम राहणार आहे. अशा पार्श्वभूमीवर गायीच्या दुधाला किमान 42 रुपये दर देणे सहज शक्य आहे.

हेही वाचा -कलयुगातील श्रावणबाळ.. 71 वर्षीय मुलाने 105 वर्षीय आईला खांद्यावर बसवून घडवले साईदर्शन

हेही वाचा -Saibaba Donation Counting: तीन दिवसात साईबाबांना तब्बल 4 कोटीचे दान.. 3 लाख भाविकांनी घेतले साई दर्शन