पुणे-नाशिक महामार्गावरील अतिक्रमण हटाव मोहीम सुरू

पुणे-नाशिक महामार्गालगत अतिक्रमण हटाव मोहीम सुरू केली आहे. या मोहिमेत शहरातून जाणाऱ्या पुणे-नाशिक महामार्गालगत असलेल्या टपऱ्या, दुकानांच्या समोर केलेले अतिक्रमण नगरपालिकेने उद्ध्वस्त केले.

अहमदनगर - संगमनेर नगरपालिकेसह विविध विभागाने मंगळवारी सकाळी शहरात पुणे-नाशिक महामार्गालगत अतिक्रमण हटाव मोहीम सुरू केली आहे. या मोहिमेत शहरातून जाणाऱ्या पुणे-नाशिक महामार्गालगत असलेल्या टपऱ्या, दुकानांच्या समोर केलेले अतिक्रमण नगरपालिकेने उद्ध्वस्त केले.

मंगळवारी सकाळी दहापासून अतिक्रमण हटावच्या मोहिमेस सुरुवात झाली. काही किरकोळ अपवाद वगळता मोहीम सुरळीत सुरू आहे. काही व्यावसायिक व नागरिक स्वत:हून अतिक्रमण काढून घेत आहेत. कुठलाही अनुचित प्रकार घडू नये, यासाठी प्रशासनाच्यावतीने मोठा पोलीस बंदोबस्त तैनात करण्यात आला आहे.