शिर्डी- साईबाबा संस्‍थानच्या वतीने शनिवार 4 जुलै ते सोमवार 6 जुलै 2020 या कालावधीत गुरुपौर्णिमा उत्सव साजरा करण्यात आला. या उत्सवात 79 लाख 36 हजार 549 रुपये इतकी देणगी भाविकांनी दिल्याची माहिती संस्‍थानचे मुख्‍य कार्यकारी अधिकारी अरुण डोंगरे यांनी दिली.
यावर्षी देश व राज्‍यावर आलेल्‍या कोरोना व्‍हायरसच्‍या संकटामुळे प्रतिबंधात्‍मक उपायांसाठी शासनाच्‍या वतीने लॉकडाऊन करण्यात आला. त्यामुळे 17 मार्चपासून साईबाबांचे समाधी मंदिर साईभक्‍तांना दर्शनासाठी बंद ठेवण्यात आलेले आहे. शनिवार 4 जुलै 2020 ते सोमवार दिनांक 6 जुलै 2020 या कालावधीत गुरुपौर्णिमा उत्सव साध्‍या पद्धतीने साजरा करण्यात आला. या गुरुपौर्णिमा उत्‍सवामध्‍ये रुपये 79 लाख 36 हजार 549 रुपये देणगी प्राप्‍त झाली आहे. यामध्‍ये साईबाबा मंदिराचे 4 नंबर गेट जवळील देणगी काऊंटरवर 1 लाख 18 हजार 387 रुपये भाविकांनी देणगी दिले आहेत.