पांढऱ्याशुभ्र धुक्याच्या दुलईत हरवले नगर

मागील काही दिवसांपासून नगर शहरात थंडीचा कडाका वाढत आहे. मधून-मधून ढगाळ वातावरणही होत आहे. त्यामुळे वातावरणातील आर्द्रता वाढून धुके पडत आहे.

अहमदनगर - जानेवारी महिना सुरू झाला तरी राज्यात काही ठिकाणी जोराचा पाऊस आणि गारांचा वर्षाव होत आहे. राज्याच्या मध्यभागी असलेले अहमदनगर शहर मात्र थंडीने गारठले आहे. शनिवारी सकाळी नगर शहर धुक्यात हरवलेले दिसले.

मागील काही दिवसांपासून शहरात थंडीचा कडाका वाढत आहे. मधून-मधून ढगाळ वातावरणही होत आहे. त्यामुळे वातावरणातील आर्द्रता वाढून धुके पडत आहे. नगरकरांनी शहरातील वातावरणाला काश्मीर, कुलू-मनाली, महाबळेश्वर, पचगणीची उपमा दिली.

हेही वाचा - थंडी वाढताच नांदूरमध्यमेश्वर अभयारण्यात भरला पक्ष्यांचा मेळा, पक्षीप्रेमींसाठी पर्वणी

दरम्यान या प्रचंड धुक्यामुळे पन्नास मीटरच्या पुढचे दृश्य दिसने कठीण झाले आहे. त्यामुळे वाहन चालकांना अडचणींचा सामना करावा लागत आहे.