अहमदनगर - साकळाई पाणी योजनेसंदर्भात अभिनेत्री दीपाली सय्यद यांनी सुरू केलेले उपोषण तिसऱ्या दिवशी पालकमंत्री राम शिंदे यांच्या मध्यस्थीने, जलसंपदामंत्री गिरीश महाजन यांच्याशी दूरध्वनीवरून झालेल्या चर्चेनंतर मागे घेण्यात आले. या प्रश्नावर तीन-चार दिवसांत मुंबईत बैठक घेऊन तोडगा काढण्यात येईल, असे राम शिंदे यांनी यावेळी सांगितले. तर, दीपाली सय्यद यांनी तूर्तास उपोषण आंदोलन मागे घेत असून, तीस ऑगस्टपर्यंत ठोस अंमलबजावणी न झाल्यास पुन्हा बेमुदत उपोषण आंदोलन करू असा इशारा दिला आहे.
अहमदनगर : दीपाली सय्यद यांचे उपोषण गिरीश महाजन यांच्या आश्वासनानंतर मागे
श्रीगोंदा, नगर, पारनेर तालुक्यातील ३५ दुष्काळी गावांना वरदान ठरणारी साकळाई उपसा जलसिंचन योजना मार्गी लागावी, या मागणीसाठी दीपाली सय्यद यांनी 9 ऑगस्ट, म्हणजेच क्रांती दिनापासून नगरच्या जिल्हा परिषदेसमोर उपोषण सुरू केले होते.