पाथर्डी - तालुक्यातील भारजवाडी येथील सीआरपीएफ जवान कपिल पालवे हे कल्याण-विशाखापट्टणम राष्ट्रीय महामार्गावर कीर्तनवाडी येथे अपघातात ठार झाले. हा अपघात सोमवारी सायंकाळी झाला. आज त्यांच्या पार्थिवावर अंत्यसंस्कार करण्यात आले.
भारजवाडी येथील केंद्रीय राखीव पोलीस दलातील (सीआरपीएफ) जवानाचे खरवंडी कासार येथून सायंकाळी साडेसात वाजता भारजवाडी येथे राहत्या घरी जात असताना अपघातात निधन झाले. यामुळे भगवानगड परिसरात शोककळा पसरली आहे. कपिल पालवे हे सीआरपीएफ जवान स्व. बाबासाहेब पालवे यांचे चिरंजीव होत. पालवे हे नुकतीच सुट्टी घेऊन घरी आले होते. दोन दिवसापूर्वी त्यांचा वाढदिवस त्यांनी कुटुंबातील सदस्य व मित्रपरिवार सोबत साजरा केला होता.