अहमदनगर- जिल्हा सामान्य रुग्णालयातील कोव्हिड-१९ चाचणी प्रयोगशाळा आज शनिवारपासून कार्यान्वित झाली असून आज १५ व्यक्तींच्या घशातील स्त्रावांची तपासणी करण्यात आली. त्यातील १० अहवाल निगेटिव्ह आले असून एका अहवालाचा निष्कर्ष निघाला नसून उर्वरित ४ व्यक्तींचे अहवाल पुन्हा तपासले जाणार असल्याची माहिती जिल्हा शल्य चिकित्सक डॉ. प्रदीप मुरंबीकर यांनी दिली. दरम्यान, आज शनिवारी बूथ हॉस्पिटलमधून ३ रुग्णांना डिस्चार्ज देण्यात आला. यामुळे एकूण ७२ बाधित रुग्णांपैकी आता ५२ जण कोरोनामुक्त झाले आहेत तर ६ रुग्णांचा मृत्यू झाला आहे. सध्या १६ जण रुग्णालयात उपचार घेत आहेत. कोरोनामुक्त झालेले तीन पैकी २ जण नगर शहरातील सुभेदार गल्ली येथील तर १ जण वंजारगल्ली येथील आहे. या ठिकाणी कन्टेन्मेंट झोन असल्याने या रुग्णांना बूथ हॉस्पिटलमध्येच ठेवण्यात येणार आहे.
अहमदनगर जिल्हा रुग्णालयातील कोव्हिड-१९ लॅब कार्यान्वित; १५ स्वॅबची चाचणी