शिर्डी (अहमदनगर)- कोरोनाचा वाढता प्रभाव व यामुळे लॉकडाऊनमध्ये केलेल्या वाढीचा फटका लघू उद्योगाला बसत आहे. यामध्ये उद्योग क्षेत्रातील महत्वाचा अशा वीट उत्पादनालाही मोठा फटका बसल्याचे पाहायला मिळत आहे. कोरोनाचा प्रसार रोखण्यासाठी लॉकडाऊन केला यामध्ये वीट व्यवसायही बंद ठेवला आहे. त्यामुळे कामगारांना काम नसल्यामुळे अनेक कामगार आपल्या घरी परतले आहेत. त्यामुळे वीट उद्योगावर महामंदी आली आहे.
कोरोनामुळे विझताहेत वीटभट्ट्या
शिर्डीजवळील पिंपळवाडी परिसरात विटभट्टीचे मोठे आगार आहे. या ठिकाणी लॉकडाऊनमुळे वीटभट्ट्या बंद असल्यामुळे सुमारे 4 कोटींचे नुकसान झाले आहे. लॉकडाऊन दरम्यान काम बंद असल्यामुळे वीटभट्टी व्यावसायिकाला उत्पादन घेता आले नाही. तसेच कच्चा माल पडून असल्यामुळे याचा फटका वीट उद्योगाला बसला आहे.