अहमदनगर -भाजप सरकार मधील मंत्री राम शिंदे यांचा पराभव करत राज्यात लक्षवेधी ठरलेल्या निवडणुकीत शरद पवारांचे नातू रोहित पवार हे राष्ट्रवादी काँग्रेसच्या तिकिटावर निवडून आले. आता त्यांना नामदार करा अर्थात मंत्री करा अशा आशयाचे अनेक बॅनर्स कर्जत आणि जामखेड शहरात दिसत आहेत. नेमके हे बॅनर्स रोहित यांच्या संमतीने लावलेत की उत्साही कार्यकर्त्यांनी स्वतःच लावलेत हे पुढे येत नाही आहे. आता रोहित पवार हे मंत्रिपदासाठी पक्षावर अर्थात आपले आजोबा शरद पवार यांच्यावर दबावतंत्रतर वापरत नाहीत ना अशी चर्चा सुरू झाली आहे.
रोहित पवारांना नामदार करा, कर्जत-जामखेड लागले बॅनर्स
बॅनर्सवर थेट शरद पवार यांना रोहित यांना नामदार करा असे साकडे घालण्यात आले आहे. कर्जत-जामखेड मतदारसंघातील समस्थ ग्रामस्थ, शेतकरी, कष्टकरी, युवक यांच्यावतीने हे साकडे थेट 'साहेबां'ना घालण्यात आल्याने हे बॅनर्स जिल्ह्यात चर्चेचा विषय ठरत आहेत..