अहमदनगर - काँग्रेसला जय महाराष्ट्र करून शिवसेनेकडून उमेदवारी करणारे श्रीरामपूर विधानसभा मतदारसंघाचे माजी आमदार भाऊसाहेब कांबळे यांनी शुक्रवारी संगमनेरमध्ये काँग्रेस प्रदेशाध्यक्ष बाळासाहेब थोरात यांची भेट घेतली. इतकेच नव्हे तर, त्यांनी थोरात यांच्या सत्कार करून पाया पडल्याने चर्चेला उधाण आले आहे.
माजी आमदार भाऊसाहेब कांबळे बाळासाहेब थोरात यांच्या भेटीला
भाऊसाहेब कांबळे गेल्या १० वर्षांपासून काँग्रेसचे श्रीरामपूर मतदारसंघाचे आमदार होते. मात्र, या विधानसभेला त्यांनी बाळासाहेब थोरतांची साथ सोडत श्रीरामपूर मतदारसंघातून शिवसेनेकडून निवडणूक लढवली होती. काँग्रेसचे बाळासाहेब थोरात यांनी दिलेला काँग्रेसचा उमेदवार आणि नवनिर्वाचित आमदार लहू कानडे यांनी कांबळे यांचा दारुण पराभव केला होता.