अहमदनगर- नगर शहरातील सर्वपरिचित प्रसिद्ध व्यावसायिक करीमभाई हुंडेकरी यांच्या अपहरण प्रकरणात पोलिसांनी आठ तासाच्या आत अपहरण झालेले करीमभाई यांना प्रसारमध्यमांपुढे आणण्यात यश आले आहे. मात्र, एकंदरीत या प्रकरणावर पोलिसांनी तपासाचा भाग सांगत अनेक गोष्टी पत्रकारांपुढे स्पष्ट न केल्याने या अपहरण प्रकरणाचे गूढ कायम आहे.
अपहरण झालेले करीमभाई हुंडेकरी पोलिसांना सापडले हेही वाचा -अहमदनगर : निघोज कुंडावर आढळला महिलेचा कुजलेला अवस्थेतील मृतदेह
व्यावसायिक म्हणून परिचित असलेले करीमभाई हुंडेकरी आज(सोमवार) सकाळी नमाज पठणासाठी जात असताना काही अज्ञात लोकांनी बळजबरीने चारचाकी वाहनातून त्यांचे अपहरण केले होते.
सूत्रांच्या माहितीनुसार हुंडेकरी यांना अपहरणकर्त्यांनी नगरहून जालना येथे नेले. तिथे त्यांना सोडून देण्यात आले. त्यानंतर त्यांनी एसटी बस पकडून नगरकडे निघाले. वाटेत त्यांनी सहप्रवाशांच्या मोबाईल फोनवरून घरी संपर्क करून येत असल्याचे कळवले. त्यानंतर पोलिसांनी नगरजवळ जेऊर टोलनाक्यावरून त्यांना थेट जिल्हा पोलीस अधीक्षक कार्यालयात आणले. या ठिकाणी त्यांच्याकडून पोलीस घटनाक्रमाची अधिक माहिती घेत आहेत.
हेही वाचा -पिस्तुलाचा धाक दाखवत अहमदनगरचे उद्योजक करीमभाईंचे अपहरण
दरम्यान, सकाळपासून शहरात या प्रकरणाने सुरू झालेली खळबळ शांत झाली असून नेमके हे अपहरण प्रकरण काय आहे याबद्दल नागरिकांमध्ये उत्सुकता निर्माण झाली आहे.
