क्वालालंपूर - भारताचा आघाडीचा बॅडमिंटनपटू एचएस प्रणॉयला मलेशिया ओपन बॅडमिंटन स्पर्धेच्या पहिल्याच फेरीत पराभवाचा धक्का बसला आहे. थायलंडच्या शिथीकॉम थामसिनने पुरुष एकेरीच्या पहिल्या फेरीतील संघर्षपूर्ण लढतीत प्रणॉयचा 12-21, 21-16, 21-14 असा पराभव केला.
मलेशिया ओपनमध्ये समीर वर्मापाठोपाठ एचएस प्रणॉयलाही पराभवाचा धक्का - KUALA LUMPUR:
प्रणॉयच्या अगोदर समीर वर्मालाही पराभव स्विकारावा लागला होता
HS Prannoy
जागतिक बॅडमिंटन क्रमवारीत 34 स्थानी असलेल्या थामसिनने 21 क्रमांकावर असलेल्या भारताच्या प्रणॉयचा ५६ मिनीटांमध्ये पराभव केला. मलेशिया ओपन बैडमिंटन स्पर्धेच्या इतिहासात आतापर्यंत एकाही भारतीयाला या स्पर्धेचे जेतेपद मिळवता आलेले नाहीय.
प्रणॉयच्या अगोदर दुसरा भारतीय खेळाडू समीर वर्माला चीनच्या शी युकीच्या हाते पराभव स्विकारावा लागला होता. युकीने समीरचा 22-20, 21-23, 21-12 असा पराभव केला. या स्पर्धेत पी. व्ही. सिंधू, सायना नेहवाल आणि किदम्बी श्रीकांत यांच्याकडून भारताला मोठ्या अपेक्षा आहेत.