Golden Boy Neeraj Chopra : सुवर्णपदक जिंकल्यानंतर नीरज चोप्राने दिली 'ही' प्रतिक्रिया

२००८ ऑलिम्पिकमध्ये अभिनव बिंद्रा याने नेमबाजीत सुवर्ण पदक जिंकलं होते. यानंतर ऑलिम्पिक स्पर्धेत भारतासाठी वैयक्तिक गटात सुवर्णपदक जिंकणारा नीरज हा पहिला भारतीय ठरला. त्याने दिलेली प्रतिक्रिया वाचा.

टोकिया- हा अविश्वसनीय अनुभव आहे, अशी प्रतिक्रिया ऍथलेटिक्समध्ये देशाला पहिले ऑलिम्पिक सुवर्णपदक जिंकून देण्याची ऐतिहासिक कामगिरी करणाऱ्या नीरज चोप्राने प्रतिक्रिया दिली आहे. कामगिरीकरिता आत्मविश्वास असूनही पदक मिळविण्याची खात्री नव्हती, असा दावाही चोप्राने केला आहे.

भारताचा भालाफेकपटू नीरज चोप्राने ऐतिहासिक कामगिरी करताना अ‍ॅथलेटिक्समधील भारताचा पदकाचा दुष्काळ संपवला. भालाफेकच्या अंतिम फेरीत त्याने सुवर्ण पदक जिंकले. त्याने पहिल्या व दुसऱ्या प्रयत्नातच एवढ्या लांब भाला फेकला की प्रतिस्पर्धींनी सुवर्णपदकाची अपेक्षाच सोडली. दरम्यान, अॅथलेटिक्स प्रकारात भारतीय खेळाडूने जिंकलेले हे पहिलं पदक आहे. याआधी अशी कामगिरी कोणत्याही भारतीय अॅथलीटला करता आलेली नाही. तसेच २००८ ऑलिम्पिकमध्ये अभिनव बिंद्रा याने नेमबाजीत सुवर्ण पदक जिंकलं होते. यानंतर ऑलिम्पिक स्पर्धेत भारतासाठी वैयक्तिक गटात सुवर्णपदक जिंकणारा नीरज हा पहिला भारतीय ठरला.

हेही वाचा-Tokyo Olympics: नीरज चोप्राने सुवर्ण जिंकत दिवंगत मिल्खा सिंगची शेवटची इच्छा पूर्ण केली

सुवर्ण पदक मिळेल, असे वाटले नव्हते-

नीरज चोप्रा म्हणाला, की हा अविश्वसनीय अनुभव आहे. पहिल्यांदा भारताला अॅथिलिट्कसमध्ये सुवर्णपदक मिळाले आहे. त्यामुळे मला खूप छान वाटत आहे. इतर खेळांमध्येही आपल्याला केवळ एकच सुवर्णपदक मिळाले आहे, अशी प्रतिक्रिया 23 वर्षीय नीरज चोप्राने दिली आहे. हे ऑलिम्पिकमधील खूप दीर्घकाळापासून आपले पहिले ऑलिम्पिक पदक आहे. मला माझा आणि माझ्या देशाचा खूप अभिमान आहे. पात्रता फेरीत मी चांगल्या पद्धतीने भाला फेकला. मला माहित होते, की मी खूप चांगल्या पद्धतीने अंतिम पात्रता फेरीत खेळू शकतो. मात्र, सुवर्ण पदक मिळेल, असे वाटले नव्हते. मी खूप आनंदी आहे.

हेही वाचा-राष्ट्रपती, पंतप्रधानांसह देशभरातून नीरज चोप्रावर अभिनंदनाचा वर्षाव