विम्बल्डन विजेती सिमोना हालेपला कोरोनाची लागण

विम्बल्डन चॅम्पियन सिमोना हालेपला कोरोनाची लागण झाली आहे. याची माहिती हालेपने स्वत: सोशल मीडियावरून दिली.

हैदराबाद - विम्बल्डन चॅम्पियन सिमोना हालेपला कोरोनाची लागण झाली आहे. याची माहिती हालेपने स्वत: सोशल मीडियावरून दिली. तिने रिपोर्ट आल्यानंतर स्वत:ला आयसोलेट करून घेतले आहे. यातून लवकरच मी बाहेर पडेन, असा विश्वास तिने व्यक्त केला आहे.

सिमोना हालेपने याविषयी एक ट्विट केले आहे. मी तुम्हाला सांगू इच्छिते की, माझा कोविड-१९ चा रिपोर्ट पॉझिटिव्ह आला आहे. यामुळे मी घरीच आयसोलेट झाली आहे. मला कोविडची लक्षणे जाणवत होती. यामुळे चाचणी करून घेतली. यात रिपोर्ट पॉझिटिव्ह आला आहे. पण मी यातून आता सावरत असून माझी प्रकृती ठीक आहे, असे हालेपने म्हटलं आहे.

दरम्यान, हालेप महिला क्रमवारीत दुसऱ्या स्थानावर आहे. तिने विम्बल्डन स्पर्धे जिंकली आहे. हालेपच्या आधी टेनिस विश्वात पुरूष जागतिक क्रमवारीत अव्वलस्थानी असलेल्या नोव्हाक जोकोव्हिचला कोरोनाची लागण झाली होती. त्याने कोरोनावर मात करत टेनिस कोर्टवर पुनरागमन केले आहे.

हेही वाचा -लाल मातीच्या कोर्टवर फक्त अन् फक्त 'नदाल'शाहीच

हेही वाचा -विम्बल्डनमध्ये खेळलेल्या खेळाडूची टेनिसमधून निवृत्ती