बासेल- स्वित्झरलँडचा दिग्गज टेनिस खेळाडू रॉजर फेडररने चाहत्यांच्या विनंतीवर आपल्या सोशल मीडिया अकाउंटचा प्रोफाईल फोटो बदलला. दरम्यान, फेडररनेच आपल्या चाहत्यांना ट्विटर अकाउंटसाठी कोणता प्रोफाईल फोटो फिट दिसेल ते निवडा, असे आवाहन केले होते.
चाहत्यांनी सांगितलेला फोटो फेडररने आपल्या ट्विटर अकाउंटवर डीपी म्हणून ठेवला आहे. तो फोटो फेडररच्या लहानपणाचा असून यात तो स्माईल करताना दिसत आहे. फेडररने या फोटोसोबत 'न्यू प्रोफाइल पिक' असाही उल्लेख केला आहे.
दरम्यान, फेडररच्या त्या आवाहनानंतर जगभरातील लाखो चाहत्यांनी आपल्या आवडीचे फोटोबद्दल मत व्यक्त केले होते. मात्र, फेडररने एका चाहत्याच्या आवडीचा फोटो 'फायनल' केला.